|
MARTES 9 DE SETEMBRO
12:00 h. na rúa TEATRO BRUTO (GALIZA) "EN PUNTO" Traballo arredor de dúas personaxes peculiares. Trátase de que estas personaxes reaparezan nas Festas de cada aldea, vila ou cidade. É unha obra de rúa interpretada polas actrices Gloria Rico e Mónica Camaño, na que se vai trazando o mesmo percorrido que facían as Marías a diario. É un espectáculo moi interactivo no que o público pode participar. Teatro Bruto pretende con este traballo facer camiñar sobre as rúas de cada localidade galega a dúas figuras peculiares.
19:30 h na rúa CATROEMEDIO TEATRO (GALIZA) "ANIMACIÓN DE RÚA" Catroemedio Teatro enteiro. Se vostede pretendía tomar un respiro sentado tranquilamente á beira da estrada. esquézao. Desde hoxe as rúas están tomadas por unha febre tola, contaxiosa e hereditaria... Catroemedio Teatro non chega a media ducia, pero son unha multitude en si mesmo. Vimos do teatro pobre, da escola da vida, do clown, das xenialidades toleironas duns viciosos amadores do espectáculo. Unha sorprendente fusión chegada de grupos como "Lirilampo Teatro" e mais "Codia e Miolo". Non somos Claudia Schiffer nin David Beckham, mais facémonos notar. ¿Que máis se pode pedir? CATROEMEDIO, nin máis nin menos.
22:30 h no Auditorio Municipal TEATRO EL CRUCE (MADRID) "LA NOCHE DEL OSO" (entrada: 5 euros) Teatro El Cruce é unha iniciativa teatral que recolle o esforzo e a traxectoria común dunha serie de profesionais da escena que, non sen dificultade, vén desenvolvendo a súa actividade artística dende hai máis de quince anos na Comunidade de Madrid. "La noche del oso" é unha obra de Ignacio del Moral, un dos máis sólidos valores da dramaturxia española contemporánea. O texto, revisitación doutro seu anterior, "Oseznos", que deixou o seu pouso na película Barrio, narra un momento clave na vida aqueles osiños-adolescentes, narra ese día no que todo cambiou para os tres. Precisamente dous dos tres actores (Eloi Yebra e Críspulo Cabezas) foron protagonistas da laureada película de León de Aranoa, e o terceiro (Fernando Ramallo) é outro asiduo dos filmes españois do momento.
20:30 h. no pub Canis Lupus HOMENAXE A ROBERTO VIDAL BOLAÑO LECTURAS DRAMATIZADAS Esta é, Roberto, unha pequena mostra de cariño, unha pequena mostra do noso agradecemento por seguires aí vivo entre nós.
|