|
|
27
febreiro Sinopse: Outubro de 1989, a nai de Alex, unha muller de férreas conviccións socialistas entra en coma. Alex vese envolto nunha complicada situación cando a nai esperta de repente oito meses despois. Ningunha outra cousa podería afectar tanto á súa nai como a caída do Muro de Berlín e o triunfo do capitalismo na súa amada Alemaña Oriental. Para salvar á súa nai, Alex converte o apartamento familiar nunha illa ancorada no pasado, unha especie de museo do socialismo no que a súa nai vive comodamente pensando que nada mudou. O que comeza como unha pequena mentira piadosa, convértese nunha grande estafa cando a irmá de Alex e algúns veciños se encargan de manter a farsa para que a nai siga crendo que ao final Lenin venceu. Wolgang Becker é un autor pouco coñecido en España, onde coñecemos unicamente A vida en obras, unha película que tivo un certo recoñecemento. No seu país traballou en televisión, para a que dirixiu algúns episodios de series e documentais. Coñecedor do fácil que é manipular imaxes ou inserilas en contextos que non teñen que ver co que realmente sucedeu, foi capaz de utilizar este truco para realizar a película. "Non quería que Good Bye Lenin! fose unha burla. Todo o mundo ten opinións diferentes sobre o lonxe que pode permitirse chegar ácomedia, no mellor sentido da palabra, e sobre todo no que se converte nunha pallasada e nunha tonteríaŠ Fascinábame a idea dun fillo que intenta manter a raia a morte cunha mentira sobre unha Alemaña Oriental que xa non existe, na que quere que a súa nai crea. Pouco a pouco el mesmo se irá enleando nesa mentira. Isto éalgo universal e pode illarse dese período específico do pasado que narra a historia da Alemaña Oriental, a caída do Muro de Berlín e a reunificación".
ARQUIVO DO CINECLUB XIRIA Clica aquí para ver as fichas dos filmes proxectados nas tempadas anteriores
|
|