28 de xaneiro
MACHUCA

Chile e España, 2004.
Duración: 120 min.
Dirección: Andrés Wood.
Interpretación: Matías Quer (Gonzalo Infante), Ariel Mateluna (Pedro Machuca), Manuela Martelli (Silvana), Aline Küppenheim (María Luisa), Federico Luppi (Roberto Ochagavía), Ernesto Malbrán (Padre McEnroe),
Guión: Roberto Brodsky, Mamoun Hassan e Andrés Wood.
Música: José Miguel Miranda e José Miguel Tobar.
Fotografía: Miguel J. Littín.

SINOPSE
Chile, 1973. Gonzalo Infante e Pedro Machuca son dous rapaces de once anos que viven en Santiago, o primeiro nun barrio acomodado e o segundo nun humilde poboado ilegal instalado a poucas cuadras de distancia. Dous mundos separados por unha gran muralla invisible que algúns, no seu afán por facer realidade os soños dunha época chea de esperanzas revolucionarias, queren derrubar. Un destes soñadores, o director dun colexio relixioso privado, o padre McEnroe co apoio dunha parte dos pais, integra no elitista colexio a rapaces de familias de escasos recursos procedentes do poboado, coa firme decisión de que aprendan a respectarse mutuamente. É así como Pedro Machuca está na mesma clase que Gonzalo Infante e entre eles nace unha amizade chea de descubrimentos e sorpresas. Pero ás dificultades obxectivas deste intento de integración xúntanse as que se derivan do clima de aberto enfrontamento social que vive a sociedade chilena.

.

ARQUIVO DO CINECLUB XIRIA

Clica aquí para ver as fichas dos filmes proxectados nas tempadas anteriores