11 de febreiro
SILVER CITY

EE.UU., 2004.
Duración: 130 minutos
Dirección, Guión e Montaxe: John Sayles
Intérpretes: Danny Huston, Chris Cooper, Richard Dreyfuss, María Bello, Kris Kristofferson
Fotografía: Haskell Wexler
Música:Mason Daring

SINOPSE
Ambientada en Colorado, durante a campaña electoral para as eleccións a gobernador do estado. Silver city é unha sátira política con tintes de cine negro. O candidato republicano (un claro trasunto de George W. Bush, que borda o gañador dun Oscar Chris Cooper) sempre enfrentado cona gramática, é o herdeiro dunha formidable dinastía. A aparición dun cadáver -unha das moitas coincidencias coa que moitos consideran a súa mellor película,Lone star- vén a alterar a marcha dunha campaña na que se dan cita todas esas técnicas para captar votos que producen proídos ao que conserve un mínimo de vergonza allea.
O novo do gran John Sayles é unha singular oferta de cine comprometido e combativo, que combina doses de lexítimo oportunismo co recoñecido talento do director neoiorquino para escribir e contar boas historias.
Como é habitual no seu cine, a envoltura técnica é brillante –traballa cunha lenda viva da fotografía, o operador de Elia Kazan en América, América- e grazas ao seu vigor narrativo ofrece secuencias antolóxicas.
A irónica mordacidade de John Sayles é moito máis sutil que a de Michael Moore, de forma que a súa película non se achega en ningún momento ao mitín, aínda que falta o contrapunto demócrata. A Sayles vanlle os conflictos con trasfondo social ed político, pero é o bastante listo para apartarse do cine de propaganda.

ARQUIVO DO CINECLUB XIRIA

Clica aquí para ver as fichas dos filmes proxectados nas tempadas anteriores