11 de marzo
COÑECENDO A XULIA

(Being Julia)
Canadá e USA. 2004.
Duración: 105 min.
Dirección: István Szabó
Guión: Ronald Harwood, basado na novela "Theatre" de W. Somerset Maugham.
Intérpretes: Annette Bening (Julia Lambert), Jeremy Irons (Michael Gosselyn), Bruce Greenwood (Lord Charles), Miriam Margolyes (Dolly de Vries), Juliet Stevenson (Evie), Shaun Evans (Tom Fennel), Lucy Punch (Avice Crichton), Maury Chaykin (Walter Gibbs), Sheila McCarthy (Grace Dexter), Michael Gambon (Jimmie Langton).
Fotografía: Lajos Koltai
Música: Mychael Danna.

SINOPSE
Coñecendo a Xulia narra a historia dunha gran actriz que, nun momento crucial da súa vida, deberá definir o seu personaxe dentro e fóra do escenario. No Londres de 1938, a vermosa e seductora Julia Lambert atópase no seu apoxeo físico e profesional. Sen embargo a súa carreira teatral, chea de éxitos, como o seu matrimonio co guapo empresario teatral Michael Goxsselyn empezan a parecerlle caducos e insatisfactorios e bota de menos a novidade, a emoción, a chispa.
Todo cambia coa entrada en escea de Tom Fennell, un xove que afirma ser o seu maior admirador. O seu ardor é irresistible para Xulia, que, pensando que un ro-mance será o mellor antídoto para a súa crise de idade, decide embarcarse nunha apaixonada relación. A súa vida pasa a ser máis atrevidae emocionante ata que o seu xove amante intenta relegala a un papel secundario. Reunindo todas as súas forzas, xulia trama unha intelixente vinganza que a conducirá ao lugar que lle corresponde: no centro do escenario e nun primeiro plano.
A actriz norteamericana Anette Bening (Topeka, Kansas, 1958), recentemente homenaxeada en San Sebastián, ofrece un inolvidable recital interpretativo nesta vibrante película. Szabó adapta co seu empaque habitual unha novela do cáustico Somerset Maugham sobre o mundo do teatro en Londres pouco antes de que estalle a Segunda Guerra Mundial. O guionista, Ronald Harwood (O pianista, A versión Browning), é un prestixioso autor teatral sudafricano de 70 años afincado en Londres desde 1951.

ARQUIVO DO CINECLUB XIRIA

Clica aquí para ver as fichas dos filmes proxectados nas tempadas anteriores