24 de febreiro 20:30 e 23:00 no Auditorio Municipal
O OCASO DO SAMURAI

SINOPSE
Seibei Iguchi é un samurai de rango inferior do clan Unasaka. A súa muller morreu de tuberculose, unha causa habitual de falecemento naqueles anos de fame e malnutrición. Ao ter unha nai anciá e dúas fillas que manter, Kayano e Ito, el e a súa familia deben levar unha vida austera.
Ao rematar a xornada de traballo, Seibei négase non acompaña aos seus compañeiros samurais, vai para a súa casa e céntrase nos labores domésticos e noutros traballos. Un día, Seibei atopa a Tomonojo Iinuma, un amigo da infancia. Este fálalle da súa irmá, Tomoe, e cóntalle que tivo que divorciarse do seu inflexible marido, o borrachuzas Toyotaro, e irse para a casa de Tomonojo. Ao día seguinte Tomoe visita a Seibei e os dous divírtense lembrando os vellos tempos. Cando Seibei a acompaña á casa, atópanse co ex-marido, que está furioso e disposto a levala con el. O destino quere deste xeito que sexa Seibei e non Tomonojo, que non é un bo espadachín, quen se bata con Toyotaro. O día do combate, Seibei, que non ten máis que unha espada de madeira, derrota sen dificultade a Toyotaro, que loita cunha espada de verdade. Tomoe comeza a acudir con máis frecuencia á casa de Seibei e as súas fillas acéptana de boa gana, pero Seibei non quere saber nada de casamento porque se considera demasiado pobre para ela. A relación renace cando Seibei recibe a encomenda de matar a Zenomon Yogo, un servidor do clan que non acepta o resultado da sucesión de xefe do clan trala morte do anterior.

ARQUIVO DO CINECLUB XIRIA

Clica aquí para ver as fichas dos filmes proxectados nas tempadas anteriores