XIRIA (Cangas do Morrazo)

Última película de Murnau, que empezou como unha colaboración para escribir e dirixir conxuntamente co famoso documentalista Robert J. Flaherty, aínda que por diversos problemas só a asinou Murnau. Xa afastado de Hollywood, Murnau, ofreceulle a Flaherty a realización compartida de Tabú. Non tardarían en xurdir as discrepancias, pois Murnau estaba máis interesado en plasmar as súas inquietudes artísticas nun ensaio antropolóxico con historia romántica. Flaherty abandonou a empresa e o alemán brindounos, pouco antes de morrer nun accidente, esta película de ficción preciosa visual e argumentalmente, cun gran ritmo e cun dos finais máis bonitos da historia. Rodada en Tahití e Bora-Bora retrata en forma case de documental, ao igual que "Nanook of the North" facía cos esquimós, os costumes e modo de vida da xente do pacífico sur.

ARQUIVO DO CINECLUB XIRIA

Clica aquí para ver as fichas dos filmes proxectados nas tempadas anteriores